2ª Mano
M. I. Liérmontof é considerado continuador e mesmo herdeiro de Puxquin no eido das letras rusas, que ámbolos dous cultivaron con apaixonada entrega. As semellanzas non se dan só na súa maneira de entende-la literatura, senón tamén nas súas vidas: ambos de berce aristocrático, amantes do seu pobo, de ideas liberais seguiron o vieiro encetado anteriormente polos decembristas... Amaron o témero Cáucaso e a el foron desterrados, e ámbolos dous tiveron unha morte tráxica, víctimas da trama política.
Pechorin, o " heroe " atípico, ten ben que ver co seu creador e mais coa xuventude da súa propia época viciada de escepticismo, nugalla e descrimento xeral dos preceptos máis afincados na sociedade do seu tempo.
